paneer-fry-recipe(பன்னீர் ப்ரை)

பன்னீர் ப்ரை

தேவையான பொருட்கள்:

* பன்னீர் - 200 கிராம்

* எண்ணெய் - 2-3 டேபிள் ஸ்பூன்

ஊற வைப்பதற்கு...

* கெட்டி தயிர் - 1/4 கப்

* மஞ்சள் தூள் - 1/4 டீஸ்பூன்

* மிளகாய் தூள் - 1 டீஸ்பூன்

* மல்லித் தூள் - 1/2 டீஸ்பூன்

* சீரகத் தூள் - 1/4 டீஸ்பூன்

* கரம் மசாலா - 1/2 டீஸ்பூன்

* இஞ்சி பூண்டு விழுது - 1 டீஸ்பூன்

* எண்ணெய் - 1-2 டீஸ்பூன்

* உப்பு - சுவைக்கேற்ப

செய்முறை:

* முதலில் பன்னீரை ஓரளவு மெல்லியத் துண்டுகளாக்கிக் கொள்ள வேண்டும்.

* பின்னர் ஒரு பௌலில் ஊற வைப்பதற்கு கொடுத்துள்ள பொருட்களை எடுத்துக் கொள்ள வேண்டும்.

* பின்பு அதில் சிறிது நீர் ஊற்றி, மிகவும் கெட்டியாக பிசையாமல், ஓரளவு நீராக கலந்து கொள்ள வேண்டும்.

* பிறகு அதில் பன்னீர் துண்டுகளைப் போட்டு பிரட்டி, ஒரு தட்டில் எடுத்து வைத்துக் கொள்ள வேண்டும்.

* பின் ஒரு பேனை அடுப்பில் வைத்து, அதில் எண்ணெய் ஊற்றி சூடானதும், ஊற வைத்துள்ள பன்னீர் துண்டுகளைப் போட்டு, முன்னும் பின்னும் பொன்னிறமாக பொரித்து எடுத்தால், பன்னீர் ப்ரை தயார்.